💁 Хачу сказаць, што гэта тая самая кніга, якая, як русалка, сама здольна зачараваць і зацягнуць у сваю глыбіню. Паважаны чытач, калі ты возьмеш яе ў рукі і паглыбішся ў тэкст, выплысці ў цябе ўжо няма шансаў! ❌
Я папярэдзіў!
Нават у мяне са сваім “нечытуном” атрымалася не проста дачытаць аповесць, але і атрымаць незвычайнае задавальненне! 🖤
Але што тут незвычайнага, я адкажу па пунктах.
👉 Аповесць у жанры этнатрыллер (ці багата такога ў белліце?).
👉 Бачна любоў аўтаркі да беларускай мовы і культуры.
👉 Фальклор, містыка, русалкі і дэтэктыў перапляліся ў вельмі да жудасці смачны кактэйль.
👉 Вясковы вайб.
👉 Сакавітыя выразы, трапныя метафары, пісьменніцкае майстэрства аўтаркі.
👉 Праблемы мінуўшчыны і сучаснасці.
👉 Невялікі аб’ём (для тых, у каго няма часу на вялікія раманы, а прачытаць нешта такое хочацца).
👉 Ну і вішанька на торце: сярод персанажаў вы сустрэнеце не абы каго, а саму Алену Кіш! Толькі ўявіце!
Атрымалася сапраўды жудасная гісторыя, якая прымусіць бегчы дрыжыкі па скуры ад жаху. 👻
І гэта толькі дэбютная кніга Зараславы Камінскай! 🔥
🤔 А ці будуць мінусы? Ёсць тут адзін: калі толькі вы перагарнеце апошнюю старонку, вам тут жа захочацца прачытаць яшчэ нешта падобнае 😁
Вялікі дзякуй @zoreslava_ за такую шыкоўную гісторыю! 😍
5/5 ⭐
