Прэмія “Добры Слімак” з’явілася ў рэсурса з добрай ласкі майстра разьбы па дрэве Уладзіміра Буракова.
Прэмія цалкам і незваротна суб’ектыўная – каго захочацца, таго і ўзнагароджваем. Ці то аўтара кнігі, ці то аўтара крытычных водгукаў. Што нам больш спадабаецца, што закране наймацней, што з першага позірку завабіць і далей не падмане – туды і папаўзе наш Слімак. Пэўнай даты ў нас няма, як няма і пэўнай цырымоніі. Можа, лепш і не мець нейкіх надта строгіх правілаў, каб пасля іх не парушаць.
Калі раптам вам хочацца далучыцца да нас, бо ў вас ёсць жаданне нечым і неяк аддзячыць аўтару за твор ці за водгук, – калі ласка! Мы адкрытыя да прапаноў і будзем удзячныя за ўсякі ўдзел і фундацыю ў любым яе выглядзе.
